羅馬細盤添信森|東方日報

特别贴士 2022-10-17 20:22:44

今晚意甲森多利亞主場對羅馬。榜尾嘅森多利亞狀態低迷，今季9場聯賽仲未開齋，其中5次聯賽主場出擊，只係入得兩球。羅馬射手保羅戴巴拿因傷缺陣，攻力受損，加上兩隊近4次對賽，總入球全開2球或以下，寧願揀中位數2.5球嘅入球細。（Now638周二凌晨零時30分直播）

森多利亞早前因成績欠佳，解僱教練甘柏路，聘請塞爾維亞名宿史坦高域接手領軍，呢位44歲少帥球員時代效力過拉素同國際米蘭，掛靴後亦曾短暫擔任烏甸尼斯助教，對意甲非常熟路。
森多利亞換帥有待磨合

不過史坦高域執教森多利亞之前，只係擔任過塞爾維亞球隊貝爾格萊德紅星主帥3年，教波經驗尚淺，上仗首次帶隊，僅逼和博洛尼亞1比1，要啲時間同班球員磨合，遇上由名帥摩連奴率領嘅羅馬，難望發圍。

羅馬實力凌駕森多利亞，但球隊近期賽程頻密，上周中歐霸盃作客逼和貝迪斯1比1，耗力甚多，加上今季聯賽有5球進帳嘅首席射手保羅戴巴拿受傷缺陣，就算贏到波都係小勝居多，一於揀入球細。

上一篇：萊切鬥費倫天拿和味濃|東方日報

下一篇：萊切鬥費倫天拿和味濃|東方日報