萊切鬥費倫天拿和味濃|東方日報

特别贴士 2022-10-17 20:22:44

今晚意甲賽事，萊切主場對費倫天拿。新升班嘅萊切目前徘徊喺榜下游，以護級為目標，不過佢哋演出絕非不堪一擊，尤其主場相當硬淨，對上3仗主場都夠打和對手，面對作客唔識入波嘅費倫天拿，擺明和味濃。（Now638周二凌晨2時45分直播）

萊切球員平均質素唔高，但勝在鬥志十足，每位球員多走一步做好防守，球隊雖然9輪聯賽只得1勝，但今季從未輸多過1球，面對國際米蘭及羅馬等勁旅，都係僅僅落敗，4次主場出擊更有3次和波，作客要贏佢哋都唔容易。

費倫作客啞火
費倫天拿名氣同牌面無疑較高，但今季要兼顧歐洲賽事明顯分身不暇，4場聯賽作客只得1和3負，當中更有3場食白果，今季加盟嘅焦點新兵盧卡祖域只係入過1球，演出令人失望。既然兩隊同樣欠缺入球能力，不如博和波好過。

上一篇：對賽旺和波山度士受讓筍|東方日報

下一篇：對賽旺和波山度士受讓筍|東方日報