曼聯穩陣波半和愛得過|東方日報

特别贴士 2022-10-09 16:05:45

英超尾場有愛華頓主場迎戰曼聯！「紅魔鬼」上仗於「曼市打吡」慘敗3比6，壓力沉重，尤其是半場失4球，領隊坦哈格必須想辦法止跌，今仗作客定必做好防守，避免重蹈覆轍。「拖肥糖」防守穩陣，近3仗全開半場和，兩隊互相防範之下，半場和值博。（Now621及611周一凌晨2時直播）

曼聯上輪英超慘敗，之後歐霸盃雖然贏波，但因杜維爾馬拉西亞犯錯，連累球隊半場落後。其後坦哈格變陣，後備落場嘅拉舒福特及安東尼馬迪爾連番建功，才以3比2反勝奧摩尼亞。表現有所落差、浪費多個機會嘅C朗將返回後備席，而坦哈格今仗定必先求做好防守，貫徹逼搶踢法，避免犯錯。

愛華頓8仗僅失7球
愛華頓近況回勇，聯賽連盃賽近7仗錄得3勝4和不敗走勢，包括近兩仗連續擊敗韋斯咸及修咸頓，成績好嘅最大原因係後防表現穩定，開季8仗僅失7球，係英超失波最少嘅球隊，何況今場對手曼聯攻力唔算銳利，想入波唔係咁易，主隊近期旺開半場和，一於追多鋪。

上一篇：高洛普：期望做好防守|大公報

下一篇：高洛普：期望做好防守|大公報