Ａ米祖記駁火騷|東方日報

特别贴士 2022-10-08 19:18:02

今晚意甲ＡＣ米蘭主場迎戰祖雲達斯。Ａ米雖有地利優勢，但水準飄忽，經常同對手合演入球騷，近5仗總入球全開3球或以上。祖記近況勇銳，兩連勝共轟6粒，作客亦會鬥攻，首選中位數2.5球嘅入球大。

（Now 638周日凌晨零時直播）
Ａ米上仗歐聯慘吞車路士3蛋，連續7場有失波，防線不穩問題再次暴露。不過佢哋鋒線威力強大，8場聯賽轟16球，拉菲爾利亞奧腳風甚順，今季聯賽已有4球進帳，預料今仗又有得數胡。

祖記早前不敵新升班嘅蒙沙，令教練阿里基備受下台壓力，幸好球隊及時反彈，近兩仗都贏波而回。前鋒杜辛華荷域連續兩場建功，傷愈嘅迪馬利亞上仗更加助攻「戴帽」，論火力唔輸蝕畀Ａ米，有利出現入球騷。

上一篇：拜仁回勇可挫多蒙特|東方日報

下一篇：拜仁回勇可挫多蒙特|東方日報