列斯聯主場醒神搶Ｗ發維|東方日報

特别贴士 2022-10-02 19:39:31

今晚英超尾場，列斯聯主場鬥阿士東維拉。雙方今季成績都未如理想，相比之下維拉情況更加曳，聯賽3場作客全部輸波，預料今仗好大機會又會失分；列斯聯近4次主場出擊3勝1和，包括擊敗「Big6」車路士，戰績相對靠得住，今仗主勝博得過。（Now621周日晚11時30分直播）

列斯聯今季原本有個好開局，但之後出現傷兵潮，令表現大受影響，導致近3場英超僅獲得1和2負。好彩早前英超暫停，加上國際賽期休戰，令佢哋有時間回氣重整旗鼓，今仗演出有望改善。同埋列斯聯近4場主場賽事錄得3勝1和，包括以3比0大炒車仔，球員喺主場發揮明顯更佳，值得信賴。

維拉作客靠唔住
阿士東維拉今季成績麻麻，7場聯賽僅得2勝1和4負，令領隊謝拉特備受壓力，雖然上仗主場以1比0小勝修咸頓，搶到救命3分，但佢哋今季3場聯賽作客全部輸晒，總共失咗7粒，恐怕今場又要打回原形，一於捧列斯聯主勝。

上一篇：曼城攻力強大博上盤|大公報

下一篇：曼城攻力強大博上盤|大公報