三箭爭雙冠圍捕黃蜂|東方日報
特别贴士
2022-09-22 15:44:03
日聯盃4強首回合，福岡黃蜂主場迎戰廣島三箭。三箭今季勁到爆，早前聯賽輸畀川崎前鋒之前，一度錄得8連勝，除咗日職位居三甲，日聯盃同日皇盃都殺入4強，睇形勢有機會做盃賽雙冠王，而且近兩次對黃蜂全勝，睇好三箭先拔頭籌，客勝有計。（周三晚6時開賽）
日本球季臨近尾聲，榜首雙雄橫濱水手同川崎前鋒要鬥到最後階段，排第3嘅廣島三箭就異軍突起，近年位列中游嘅三箭，今季請來有豐富德甲經驗嘅史基比領軍，表現大幅提升，雙箭頭杜格拉斯韋拉拍賓卡利法有穩定演出，一班土炮中場森島司、松本泰志、柏好文同滿田誠都有優異表現，門將大迫敬介落選日本大軍，可以專心為三箭把關。
黃蜂仍要分心護級
三箭早前0比4敗於前鋒腳下，聯賽爭標機會不大，但日聯盃同日皇盃都打入4強，而且水手同前鋒均已出局，兩項盃賽現時以三箭實力最強，今季有權做盃賽雙冠王，今仗日聯盃出擊，值得睇好。
日職尚餘4至5輪，黃蜂仍在護級邊緣徘徊，日聯盃兩鬥三箭後將要在護級大戰惡鬥神戶勝利船，難免有所顧忌，加上實力不及三箭，主場輸波唔奇。
