燦美爾傷鋒捧保頓客勝|東方日報

特别贴士 2022-09-20 22:21:04

周三凌晨英格蘭聯賽錦標北部B組賽事，英乙球會燦美爾越級挑戰英甲球隊保頓。主隊燦美爾今季表現飄忽，而且星級前鋒格拉施受傷缺陣，對住喺英甲愈踢愈勇嘅保頓明顯低一班，捧客勝穩陣。（周三凌晨2時開賽）

燦美爾今季表現低迷，近6仗賽事輸咗4場，喺英乙只係排中下游位置，今季目標都係放喺聯賽護級戰上，英錦標多數唔會出盡全力，何況球隊向利物浦借用嘅21歲前德國U18前鋒格拉施，早前啱啱傷愈復出即刻又再受傷，將會缺席一段長時間，大大削弱燦美爾進攻嘅能力。

客軍4連勝轟入10球
保頓喺英甲成績突出，上場聯賽以1比0擊敗彼德堡後升上第5位，有力爭逐升班資格，球隊目前正經歷4連勝強勢，而且入球量亦不俗，共攻入10球，包括喺英錦標北部B組首仗以4比1大破克魯，球員狀態同士氣高昂，今場有力再奏凱歌。

上一篇：搶分爭升班熊本羅亞素勢擒仙鶴|東方日報

下一篇：搶分爭升班熊本羅亞素勢擒仙鶴|東方日報