特别贴士

連勝斷纜打窒道氣 阿仙奴捱細界|東方日報

特别贴士 2022-09-09 23:28:36
今晚歐霸盃A組，瑞士球隊蘇黎世主場鬥英超阿仙奴，蘇黎世聯賽成績一般，但踢歐霸盃表現醒神，要贏佢哋唔係咁易。阿仙奴上仗英超不敵曼聯，5連勝走勢斷纜，難免打窒道氣，加上今場可能輪換陣容，不宜高估。睇番阿仙奴近5場歐霸盃，有4場總入球係3球或以下，寧博中位數3.5球嘅入球細。（Now643周五凌晨零時45分直播）

蘇黎世歐戰夠硬淨
蘇黎世喺瑞士超7戰僅得2和5負仲未開齋，不過佢哋轉戰歐洲賽往往有超水準演出，由外圍賽計起，今屆歐霸盃4戰全勝只失一球，亮麗戰績支持之下，主場出擊加埋球迷打氣，球員信心倍增。不過佢哋整體實力始終唔及阿仙奴，預料會採取穩守突擊，以不敗做目標。

阿仙奴英超開季一度5連勝，直至上仗作客1比3不敵曼聯，先至斷纜。其實「兵工廠」季初大部分對手實力較弱，佳績背後存在「水分」，加上佢哋踢歐霸盃慣常以副選應戰，未必佔有太大優勢，就算贏波估計都係小勝居多，客Ｗ太熱冇肉食，博入球細更划算。

上一篇：曼聯勇銳上盤必取|大公報

下一篇：曼聯勇銳上盤必取|大公報

发送给好友

分享至朋友圈