巴塞火力猛等睇入球騷|東方日報

特别贴士 2022-08-18 19:42:10

西甲首輪好戲碼，巴塞隆拿主場迎戰華歷簡奴。巴塞今夏轉會市場興風作浪，連續簽入包括羅拔利雲度夫斯基等強援，攻擊力大增，而且該隊近年主場對華歷簡奴例演入球騷，3.5球嘅入球大好路。

（Now632周日凌晨3時直播）
巴塞今夏最矚目收購首推從拜仁簽入世界足球先生羅拔利雲度夫斯基，另從多支英超球隊手上搶贏拉芬夏比洛尼、祖利斯古迪、安達斯基斯坦臣等，並與奧士文尼迪比利續約，陣容星光熠熠。喺早前嘅熱身賽，巴塞取得4勝1和，包括喺拉斯維加斯上演嘅國家打吡1比0小勝宿敵皇家馬德里，雖然近日傳出佢哋有新球員註冊問題，但估計能夠及時解決，一眾球星有望喺開鑼戰上陣，力爭士哥搶頭胡。

華歷簡奴有法卡奧攻堅
華歷簡奴早前熱身賽作客曼聯，踢成1比1平手，鋒線繼續由法卡奧孭飛，呢名36歲老將鬥心未減，隨時與「羅拔佬」大鬥射術，吼實3.5球嘅入球大。

上一篇：C朗積極操練冀「拯救」曼聯|大公報

下一篇：C朗積極操練冀「拯救」曼聯|大公報