奧沙辛拿西維爾頭炮歎細界|東方日報

特别贴士 2022-08-12 18:40:22

西甲新季今晚揭幕，打頭陣由奧沙辛拿主場迎戰西維爾。奧沙辛拿今季增兵積極，熱身賽表現亦都唔曳；西維爾陣容大執位，雖簽入艾斯高等猛將，但仲要時間適應，預料奧沙辛拿會擺出銅牆鐵壁務求搶分成功，博2.5球入球細。

（Now632周六凌晨3時直播）
奧沙辛拿近年喺艾拉沙迪執教下，都係以防守戰術為主，上季聯賽場均入波唔夠1球，但仍能取得第10位，今季簽入摩西斯高美斯等多位實而不華球員，熱身賽錄得3連勝，狀態唔錯。不過首席射手安迪布迪美亞因傷倦勤，預計今仗會穩守為先，事實上兩軍碰頭多數戰情平淡，近4次交手總入球都係2球或以下。

艾斯高未必趕及披甲
西維爾上季以第4名衝線，但兩大中堅祖利斯古迪同迪亞高卡路士齊齊離隊，近日雖然從皇馬簽入艾斯高，不過呢位中場未必趕及披甲，西維爾大執位後料會踢得謹慎，入球細可捧場。

上一篇：賓施馬成金球獎得主大熱|大公報

下一篇：賓施馬成金球獎得主大熱|大公報