車仔未夾熟細盤愛得過|東方日報

特别贴士 2022-08-06 18:19:34

今晚英超首輪好戲，車路士作客愛華頓。「藍戰士」熱身賽成績一般，愛華頓喺李察利臣離隊後實力下降，即使主場出擊都會打守勢波，加上兩隊近4次交手全開2球或以下，2.5球入球細好路。
（Now621及611周日凌晨零時30分直播）

「拖肥」主場但求唔輸
車仔上季尾由美國富商保利接手，新季有盧卡古、魯迪格及安達斯基斯坦臣離隊，同時簽入史達寧、高列巴尼，以及回收干拿加歷查，開鑼前夕艾斯派古達完成續約，算係好消息。球隊早前喺美國同阿仙奴「拍跳」淨吞4蛋，返到歐洲對烏甸尼斯先贏3比1，不過史達寧等新兵仲未同班隊友夾熟，揭幕戰想攻破愛華頓大門，唔係咁容易。

「拖肥」上季驚險護級成功，今夏仲有王牌李察利臣離隊，被視為今季降班熱門，首戰面對車路士將加強防守但求唔輸，入球細值博。

上一篇：利物浦近況不俗可取上盤|大公報

下一篇：利物浦近況不俗可取上盤|大公報