德乙開咧漢諾威打羅爭頭彩|東方日報

特别贴士 2022-07-15 17:21:06

德乙今晚開鑼，揭幕戰凱沙羅頓主場迎戰漢諾威。外號「紅魔」嘅凱沙羅頓於德丙打併4年後，今季重返德乙，不過新升班唔好抱太大期望，漢諾威近年喺德乙中游徘徊，有一定實力，而且漢諾威近6次對凱沙羅頓5勝，客勝放心捧場。

（周六凌晨2時30分開賽）
凱沙羅頓新升班不宜高估
凱沙羅頓上季原本有機會直接升班，不過去到季尾聯賽3連敗，結果跌落第3名踢升班附加賽，同德乙嘅特雷斯登爭升班席位，該場附加賽凱沙羅頓首回合主場只能踢成0比0，全靠次回合贏2比0先至重上德乙，但亦可見該隊發揮極不穩定，變數甚多。

取得升班資格後，凱沙羅頓教練團出現變動，原主帥安特普被辭退，會方原打算委任名宿高路斯領軍，但最終聘請執教經驗較豐富嘅舒斯達執教，決策搖擺不定，今季吉凶難料。
漢諾威上季德乙排11位，成績中規中矩，佢哋今季同樣換帥，請來前德國青年軍主帥利列執教，雙方近年對賽，漢諾威取勝居多，相信今場有力打響頭炮，客勝有計。

上一篇：羅拔決心離隊　拜仁拒割價出售|大公報

下一篇：羅拔決心離隊　拜仁拒割價出售|大公報