蔚山火力猛主場做大騷|東方日報
特别贴士
2022-07-06 17:54:25
今晚韓職好戲碼，榜首蔚山現代主場迎戰FC江原。蔚山現代上仗淨吞浦項制鐵兩蛋，近況飄忽，更被宿敵全北汽車在聯賽榜追近至5分差距，但佢哋攻力仍然冠絕韓職，遇上防守欠佳嘅FC江原，隨時以攻代守，加上近年碰頭例必大手交易，捧中位數2.5球大最上算。(myTVSUPER周二下午6時30分直播)
蔚山現代接連失分，近3仗法定時間只得2和1負，僅入1球，雖然仲喺聯賽榜領先，但被全北汽車愈追愈近，為爭冠不容再失。不過蔚山現代開季後19場聯賽入28球，仍然係韓職攻力最強球隊，單計9仗聯賽主場就入咗13球，中前場坐擁李安納度拿斯文圖、卡沙舒韋利，入波有保證，不過各項賽事近6仗只得1仗冇失波，經常全軍壓上進攻輸反擊，防守唔算穩陣。
近5碰頭炮製19個入球
FC江原位處下游，今季19仗聯賽僅得5勝之餘，只得5仗冇失波，至今失咗28球，其中9仗聯賽作客失16球，後防弱到暈，今仗面對攻力冠絕韓職嘅蔚山現代，好難唔失波。翻查紀錄，雙方近5次正面交鋒，合共炮製19個士哥，全開3球或以上，反正今場主勝欠分頭，不如轉捧入球大更佳。
