國體會作客保守半場和好路|東方日報
特别贴士
2022-06-28 18:02:18
南球盃16強首回合，高路高路先喺主場迎戰國際體育會。智甲「一哥」高路高路4月底開始主場頻頻失威，近5場只贏過1仗，今場對住巴甲勁旅國際體育會，相信唔會太急進，國體會作客亦以穩陣見稱，近8場作客7次開半場和，值得再追。（周三早上8時30分開賽）
南球盃16強由自由盃分組賽第3名球隊，同南球盃分組賽首名組成。高路高路喺自由盃分組賽，與河床、福塔雷薩及利馬聯同組，最尾一場分組賽爭出線「6分波」，主場以3比4不敵福塔雷薩，結果要降格踢南球盃，今場對住同樣來自巴甲嘅國際體育會，點都會忌三分，相信唔敢輕舉妄動。
高路高路忌憚巴西球隊
國際體育會今季有多名長期「十字兵」，球隊今季踢法轉趨穩中求勝，尤其作客更加保守，不過成績尚算不俗，連盃賽在內，近8場作客獲4勝4和不敗戰績，當中有7場開半場和，擺明上半場唔亂嚟。加上16強為兩回合賽事，國體會唔使急於首回合發圍。球隊多名主力包括中場大衞哥利亞、後衞加比爾馬卡度、卡杜利尼及摩西斯羅拔圖等，上場聯賽因停賽倦勤，今場抖足上陣鎮守後防，預料開出半場和機會極高。
