鹿角主場惡圍捕不死鳥|東方日報

特别贴士 2022-06-18 21:17:05

周六下午日職賽事，「2哥」鹿島鹿角主場硬撼京都不死鳥。鹿島鹿角近期頻頻失分，為保爭標希望今仗不容再失，而且主場出擊特別醒神，有力擊敗作客例腳軟嘅京都不死鳥，捧主勝好路。

（周六下午5時開賽）
季初走勢強勁嘅鹿島鹿角，最近3仗聯賽都失分而回，包括不敵FC東京1比3，好在衞冕嘅川崎前鋒同樣不斷失分，依家同鹿島鹿角同分，僅落後榜首橫濱水手1分，令鹿島鹿角喺爭冠路上不致被甩開。

不死鳥慘變客場蟲
雖然鹿島鹿角射手上田綺世踢國際賽負傷而回，但另一前鋒鈴木優磨狀態大勇，今季聯賽已入6球同交出7次助攻，連同中場亞瑟卡基、祖安艾蘭奴以及和泉龍司支援，唔愁冇供應，難怪鹿角已攻入27球，火力僅次於水手。

京都不死鳥位處中游，近況差強人意，之前6仗法定時間只得1勝1和4負，包括日聯盃附加賽對名古屋鯨魚，兩回合慘敗1比7出局，表現慘不忍睹，單計客場近5仗4度落敗，堪稱「客場蟲」，造訪近6仗主場取得5勝1和嘅鹿角，凶多吉少。

上一篇：2026世盃16舉辦城市揭盅|大公報

下一篇：2026世盃16舉辦城市揭盅|大公報