鹿角火力澎湃做大騷|東方日報
特别贴士
2022-06-04 21:24:11
今日日聯盃淘汰賽附加賽首回合，福岡黃蜂主場迎戰鹿島鹿角。鹿角今季喺新帥韋拿領軍下成績突出，無論喺聯賽或盃賽都展示強大攻力，料可反客為主，睇番佢哋近5仗日聯盃全開3球或以上，一於再追2.5球入球大。
（周六下午5時開賽）
鹿角今季請嚟瑞士主帥韋拿執教，一改近幾季失準毛病，成績穩步上揚，目前喺聯賽僅比橫濱水手少1分，暫排次席，日聯盃A組更以首名出線。佢哋聯賽16仗轟入27球，僅次於榜首水手，踢法相當進攻可靠，上田綺世目前以10球暫列日職射手榜首位，呢位23歲前鋒亦因此入選日本國家隊，雖然今仗未能為鹿角披甲，但隊友鈴木優磨亦以6球喺射手榜並列第3，力足攻陷黃蜂防線。
黃蜂圖發圍唔怕鬥攻
主場出擊嘅黃蜂上季取得聯賽第8名，今季表現冇乜驚喜，聯賽暫居第12，日聯盃D組則以次名出線，球隊依靠金森健志及奈良龍樹兩人一前一後撐起球隊，中場山岸祐也亦屬擅射之人，今季目標主要保住聯賽席位，再試圖喺盃賽突圍，就算面對鹿角都唔會縮後嚟踢。鹿角今屆日聯盃入球偏多，估計今仗亦唔例外，開入球大機會高。
