季尾跌Watt西部聯難抗鳳凰|東方日報

特别贴士 2022-05-14 19:21:33

今日有場澳職季後賽淘汰圈賽事，由西部聯鬥威靈頓鳳凰。西部聯季尾表現下滑，已經3戰不勝，球員士氣低落，加上近期碰頭鳳凰優勢更明顯，可望反客為主，一於博客勝。
（myTVSUPER周六下午5時45分直播）

3仗不勝士氣低落
西部聯本來仲有機會爭奪常規賽冠軍，但佢哋近3仗未嘗一勝，包括煞科戰以1比2不敵阿德萊德聯，搞到要轉戰季後賽淘汰圈，士氣唔慌好，加上對賽往績畀鳳凰食住，近4次交手全部輸晒，球員恐怕未踢先腳軟。

新西蘭球隊鳳凰近兩季因疫情關係，到4月中先至返主場作賽，喺長期四處漂流征戰嘅情況下，仍然可以殺入季後賽，已經值得畀掌聲。辛度禾爾、蘇迪里奧和賓韋尼今季組成進攻三叉戟，成為球隊進攻重心，發揮有保證。佢哋近4次對西部聯全勝之餘，近3次交鋒上述3人合共炮製5球，對住西部聯特別有計，今場有本錢反客為主，客勝好路。

上一篇：翻版決賽必定謹慎車仔紅軍追半和|東方日報

下一篇：翻版決賽必定謹慎車仔紅軍追半和|東方日報