皇馬奪冠騷大顯身手|東方日報
特别贴士
2022-04-30 18:53:59
今晚西甲聯賽皇家馬德里主場迎戰愛斯賓奴。皇馬再攞1分即提前奪冠，準備捧盃開Party，鬥心唔使懷疑，對手愛斯賓奴踢緊「風流波」，冇壓力下可以踢得更放；皇馬近7仗聯賽6次開3球或以上，再追中位數2.5球入球大。
（Now632周六晚10時15分直播）
皇馬領先次席巴塞15分，西甲尚餘5輪，意味「銀河艦隊」今場只要有分落袋已篤定奪冠，一眾球員鬥心爆棚，而且喺周中歐聯4強首回合，皇馬喺早早落後兩球下作客僅3比4不敵曼城，晉級形勢唔算太差；如果今場聯賽提前封王更有助激勵士氣，可以集中精神喺歐聯4強次回合主場打反擊戰，因此今場遇上實力平庸嘅愛斯賓奴，正係一壯行色嘅好機會。
愛斯賓奴作客腳軟
愛斯賓奴排聯賽中游，距離降班區有9分之多，暫時相對安全，不過佢哋近8仗作客未嘗一勝，包括上仗作客不敵馬體會，較早前更以1比5大敗予維拉利爾，係正宗「作客蟲」。留意愛斯賓奴近8場作客7仗有入球，預計今場照樣進攻唔會縮，更有利開大。皇馬近7仗聯賽6次開3球或以上，今場「奪冠騷」勢將以更多入波取悅觀眾，大盤咪走寶。
