紅魔鬼士氣曳細盤有着諾|東方日報

特别贴士 2022-04-16 17:41:51

今晚英超曼聯主場迎戰諾域治，榜尾諾域治近期連接有分落袋，造訪奧脫福會以穩守突擊應戰，務求繼續搶分護級。「紅魔鬼」近況欠佳，入波能力亦不濟，佢哋近3場總入球全開2球或以下，寧願博中位數2.5球嘅入球細。（Now621周六晚10時直播）

曼聯上仗作客以0比1不敵愛華頓，近7場只得一勝，近兩場聯賽一和一負，連C朗都踢到扯火，上仗賽後失控打爛小球迷手機鬧出風波。看守領隊蘭歷克明顯束手無策，惟有將「爛攤子」交畀下季新帥處理，隊內士氣非常低落，要反彈並唔容易。

諾域治防線有改善
諾域治繼打和白禮頓0比0後，上場聯賽以2比0擊敗護級對手般尼，士氣大振，佢哋已經連續兩場保持不失球，證明防守表現有改善，預料今仗會屯重兵於後防，希望最少攞到1分，入球細可取。

上一篇：熱刺夠搶韁半場主勝收禮|東方日報

下一篇：熱刺夠搶韁半場主勝收禮|東方日報