皇馬歎慢板細盤起菲|東方日報

特别贴士 2022-04-10 23:18:25

今晚西甲皇家馬德里主場同基達菲上演馬德里打吡。皇馬聯賽同歐聯雙線發展，今仗未必去盡，睇番兩軍近期交手戰況膠着，入球唔慌會多，推介中位數2.5球入球細。（Now632及611周日凌晨3時直播）

皇馬目前喺西甲榜首優勢明顯，極有機會重奪冠軍，但佢哋更希望喺歐聯有一番成就，為留力下周中8強次回合再鬥車路士，主帥安察洛堤今仗或進行輪換，等一班主力有機會休息。王牌射手賓施馬雖然今季弗到震，不過佢近8次對基達菲僅入一粒，未必可以好似平時咁輕鬆入波。

基達菲對賽少大敗
基達菲上場1比0小勝馬略卡，總算擺脫6場不勝頹勢，目前仍要為護級而努力。基達菲踢法向來保守，實際失波唔算多，近年遇上皇馬亦表現頑強，近4次交手全開2球或以下，對上兩次更加可以保持不失，今晚自然希望偷雞搶分，中位數2.5球嘅細盤值捧。

上一篇：倫敦雙雄分途出擊爭前四阿仙奴誓奏「海」熱刺望突「維」|文匯報

下一篇：倫敦雙雄分途出擊爭前四阿仙奴誓奏「海」熱刺望突「維」|文匯報