利物浦火猛大盤信森十足|東方日報
特别贴士
2022-03-21 17:26:17
今晚英足盃8強大戰，英冠神奇球隊諾定咸森林主場遇上利物浦。論牌面「紅軍」當然贏晒，但近況唔錯嘅森林晉級過程令人刮目相看，喺聯賽亦力爭升上英超，未必冇還手之力；利物浦鋒力超強，近5仗英足盃總入球有4次開4球或以上，一於捧3.5球嘅入球大。（myTVSUPER周一凌晨2時直播）
森林晉級過程有驚喜
森林今屆英足盃做咗「巨人殺手」，接連淘汰英超勁旅阿仙奴同李斯特城，當中4比1大勝「狐狸」一仗，更屬今季代表作，上圈主場2比1反勝英冠前列球隊哈特斯菲爾德，成功殺入8強。佢哋雖然繼續有首席射手加比賓長抖，但仲有小將比蘭莊臣，以及分別從曼聯同阿士東維拉借入嘅占士加拿及基倫戴維斯等具質素球員，或對利物浦構成麻煩。
「紅軍」目前多線作戰，聯賽及歐聯當然係首要目標，周中聯賽作客同阿仙奴激戰完，舟車勞頓下今仗或會繼續輪換。不過佢哋勝在兵源充足，羅拔圖法明奴上仗復出即有波入，一眾副選如南野拓實及奧歷治等，亦希望趁機證明實力。「紅軍」今屆英足盃兩次面對低組別球隊，分別贏3比1同4比1，攻力有保證，大盤博得過。
