復仇激鬥川崎前鋒做細界|東方日報

特别贴士 2022-03-04 17:45:02

周三日本波除咗有日聯盃，仲有兩場日職，其中川崎前鋒主場迎戰浦和紅鑽。兩隊早前喺日超盃交鋒，浦和紅鑽於中立場贏2比0捧盃，川崎呢鋪回師主場出擊，大有復仇味道，不過佢哋近年交手甚少大手交易，吼實2.5球入球細。

（有線661及601台周三晚6時直播）
連同日超盃，川崎前鋒已4度上陣，除咗日超盃輸波之外，前仗更以2比4不敵橫濱水手，好彩上仗及時反彈，作客2比0淨勝鹿島鹿角，重現霸氣，中鋒知念慶連續兩仗入波，後防表現亦有明顯改善，狀態同鬥心都返晒嚟。

紅鑽聯賽仲未開齋
反觀浦和紅鑽捧日超盃後，表現走晒樣，近3場聯賽1和2負，聯賽仲未開齋，今仗再鬥川崎前鋒，會用番上次嘅防反踢法制敵，日超盃對前鋒梅開二度嘅江阪任，將會繼續披甲，但相信會受到前鋒後衞嚴密看管，加上雙方近4次碰頭3次開2球或以下，入球細有計。

上一篇：各國運動員厲兵秣馬整裝待發|文匯報

下一篇：各國運動員厲兵秣馬整裝待發|文匯報