前鋒半場打爆鹿角|東方日報

特别贴士 2022-02-26 20:52:50

今午日職大戰，鹿島鹿角主場迎戰川崎前鋒。今季換帥嘅鹿角首仗順利打響頭炮，反觀川崎前鋒周中不敵橫濱水手，今仗力求反彈，留意前鋒過去對鹿角皆佔得先機，近6次交手5次半場領先，今場再追半場客勝。

（有線661及601台周六下午2時直播）
開季唔順力爭反彈
川崎前鋒今季已踢3仗，先喺日超盃0比1輸畀浦和紅鑽，其後日職揭幕戰1比0險勝ＦＣ東京，周中激戰橫濱水手，半場領先下以2比4敗陣，開季唔多順。新援「泰國美斯」猜拿迪普桑格辛仍未融入戰術體系，不過佢哋經驗豐富，踢法以進攻為主，今仗為求反彈隨時反客為主。

鹿角上季經歷換帥，巴西教頭薩高季中落台，由相馬直樹擔任看守主帥後成績回穩，最終取得第4名。今季改由瑞士籍主教練韋拿執教，以兩名巴西外援愛華度史譚及迪亞高比度卡為重心，首仗以3比1擊敗大部分時間10人應戰嘅大阪飛腳，今仗火併川崎前鋒先見真章；既然往績上川崎前鋒經常領先半場，半場客勝值博。

上一篇：紅魔主場細打復仇戰|東方日報

下一篇：紅魔主場細打復仇戰|東方日報