火力全開勢炒中岸水手 墨爾本城上盤抵玩|東方日報
特别贴士
2022-02-23 17:49:01
今日下午澳職大戰，近期表現重上正軌嘅墨爾本城主場迎戰中岸水手。墨爾本城向來以驚人火力見稱，占美麥卡倫、馬菲歷基同馬高迪利奧3大前鋒狀態大勇，上仗3比0大破紐卡素噴射機表現優異。墨爾本城依家進入最佳狀態，主場出擊包冇失手，墨城讓一球、球半，上盤放心捧場。（無綫myTVSUPER周二下午4時55分直播）
墨爾本城開季表現不穩，前9場聯賽只有3勝，不過近期重拾進攻節奏，近4場聯賽攞到3場勝仗，4場比賽狂入11球，3場勝仗都贏2球或以上，進攻力提升係球隊重現霸氣最大原因。除王牌前鋒占美麥卡倫近8場聯賽入8球外，英格蘭右閘贊堅臣上仗亦取得加盟後第2個入球，球隊已經踢出最佳嘅攻守節奏，等閒對手難以抵擋。
水手作客腳仔軟
中岸水手依家排尾3，對上6場賽事2和4負，包括作客連輸3場；首席射手烏連拿正陷入5場入球荒，作客要挑戰如日方中嘅墨爾本城談何容易？翻查往績，過去3次對中岸水手，墨爾本城錄得全勝，當中兩場輕取水手2球，今仗有力再次大勝一場，上盤咪錯過。
