韓職開鑼戰全北大無畏|東方日報

特别贴士 2022-02-19 18:51:36

周六韓職開鑼戰，力爭聯賽6連霸嘅全北汽車主場迎戰FC水原，期望取得漂亮勝仗為新季造勢。全北上季以恐怖火力輾壓群雄，一條星級鋒線均獲保留，今場面對同樣以主攻踢法見稱嘅FC水原，有力製造大手交易，捧入球大穩陣。（無綫85台周六下午1時直播）

全北汽車上季戲劇性喺煞科戰封王，歷史性連續5季捧盃，展現出超班實力。全北汽車今季並無特別加強實力，不過伊祖辛高、古斯達禾軒歷基、莫度巴路、宋敏圭同韓教元等攻擊主力全部在陣，上季入71球嘅韓職最強火力得以維持，絕對有力繼續瘋狂進攻。

水原踢法有前冇後
FC水原上季歷史性進身爭標組，靠嘅同樣係無畏嘅進攻踢法，韋迪維積克上季攻入18球，今季繼續係金靴獎熱門之一，加上由歐洲回流嘅攻擊中場李昇祐加盟，進攻力量有增無減。FC水原近8次對全北汽車，6次總入球開3球或以上，今仗好大機會繼續鬥入波。

上一篇：阿仙奴反彈上盤贏到特|東方日報

下一篇：阿仙奴反彈上盤贏到特|東方日報