微信
朋友圈
微博
腾讯微博
QQ空间
QQ
以往贏波當食生菜嘅曼聯今時唔同往日，上周英超終於險勝史雲斯，結束連續8場不勝頹勢，今晚英足盃主場對甲組仔錫菲聯，「紅魔」係咪贏硬科娜唔敢講，不過以佢哋疲弱攻力，面對「泊大巴」嘅錫菲聯，2.19倍入球細值得捧場！
（周日凌晨1時30分開賽）
早前盛傳會被炒嘅曼聯領隊尹戈爾成功保命，即係話曼迷要繼續忍受佢嘅悶蛋足球，齋睇紅魔近9仗主場賽事，有成7場波係開細，當中5場更係開出0比0波膽，真係好難怪曼迷對住尹帥會咁燥！
贊奴沙回歸幫唔到手
紅魔陣中只得安東尼馬迪爾同朗尼兩名正前鋒，進攻靠晒日前入選法國球壇最具影響力人物第9位嘅馬迪爾，難怪尹戈爾早前認低威話唔應該放走尹佩斯同查維亞靴南迪斯，如果唔係攻力未至於差成咁。雖然曼聯日前收番比利時翼鋒贊奴沙，今場或會上陣，但佢喺多蒙特坐多過踢，狀態麻麻，都幫唔到紅魔幾多。
錫菲聯想爆冷梗係靠死守博偷雞，加上呢支甲組仔每逢作客以守行先，最近6場作客都開出入球細，擺明「泊慣大巴」，紅魔又冇板斧破鐵桶陣，今場一於捧細盤！
微信
朋友圈
微博
腾讯微博
QQ空间
