阿积士下盘发「维」
阿积士锋线小将J.古华特活力四射。正所谓上盘搵荷甲，皆因系人都知进攻就系荷甲赛场嘅标签。不过今日就搞搞新意思，嚟紧礼拜日晚上荷甲就有一场维迪斯主迎阿积士嘅焦点较量想推荐返俾大家，因为今仗胜负悬念不大，而且更加下盘味道甚浓，一旦落注绝对有肉食。
睇返目前荷甲积分榜形势，本轮需要客场出战嘅阿积士暂时落后一哥PSV燕豪芬7分紧守第二，喺联赛已经斗入直路嘅情况下，为重夺失落已久嘅联赛锦标，阿积士如今已经毫无失分空间。虽然大家可能觉得目前排名前列嘅维迪斯亦并非善男信女，但佢哋过去4轮联赛仅得1胜，状态好极有限，今铺想要阻挡战意十足嘅阿积士确实难过登天。当然阿积士并非全无隐忧，今仗阵中就将有后卫韦亚基华、中场辛格拉云和一对箭头亨迪拉亚及舒安尼等战将因伤缺阵。不过维迪斯是役亦有后防将士古斯维克因伤高挂免战牌，而且对于过去4仗联赛场场有失波嘅维迪斯而言，阿积士锋线小将J.古华特嘅冲击力实在难以抵挡。
盘路方面，自从上年11月中下旬至今联赛保持不败嘅阿积士今铺虽然胜算极高，如果话想串返条过关飞肯定系铁胆嘅不二之选。但睇返双方最近4次交手有3次全场得一球交收，而且阿积士本轮喺锋线上由于伤兵嘅缘故亦稍显单薄，故一场小胜应可预期。
