曼聯保前4大起般茅_東方日報
特别贴士
2023-05-20 19:03:36
今晚另一場英超焦點之戰，般尼茅夫主場對曼聯，「紅魔鬼」曼聯要力保前4位，奪取下屆歐聯入場券，餘下3場聯賽不容有失，爭勝決心必定高昂。般尼茅夫已經護級成功，可以大踢「風流波」，無懼同對手鬥攻。翻查雙方近5次交鋒，有4次總入球開出3球或以上，熱捧中位數2.5球嘅入球大。
（Now 621周六晚10時直播）
剩下兩輪聯賽之下，般尼茅夫領先尾三列斯聯8分，意味已護級成功，今仗作為主場謝幕戰，當然希望做齣好戲，報答球迷支持，雖然未必能夠贏波，但最起碼會踢場悅目進攻足球「娛賓」。事實上，般尼茅夫不時創造大比數賽果，其中近3仗聯賽主場總入球都達4球或以上，更何況今仗冇心理包袱，應該會踢得更加開放。
近年交手例多波入
至於曼聯上仗擊敗狼隊，結束2連敗頹勢，有助提升士氣及信心。紅魔鬼現時領先第5位利物浦1分，但踢少對方1場，餘下3場分別對般尼茅夫、車路士、富咸，只要贏兩場就可以獲得前4位，鎖定下屆歐聯資格。上述3支對手之中，無疑般尼茅夫比較弱，相信曼聯今仗會趁機搶攻，有利開出大盤。另外，曼聯近4次對般尼茅夫，有3次淨贏3球，除咗2.5球嘅入球大之外，讓球客勝亦值博。
